fundación dez de marzo

A Fundación 10 de Marzo dispón dunha hemeroteca que xa conta con máis de 1700 cabeceiras de prensa, das que, aproximadamente, 600 son do período da clandestinidade e unhas 70 son publicacións abertas.

A mostra Prensa clandestina no franquismo é unha escolma do que foi a prensa do antifranquismo en Galicia e no resto de España: movementos sindicais (10 de Marzo, Galicia Obreira, etc.), partidos políticos (Mundo Obrero, Terra e Tempo, A Voz do Pobo, etc.), movementos da muller (A Muller e a Loita, Mundo Femenino, etc.), movemento estudiantil (Acción Universitaria, Realidad, etc.), movementos profesionais (Misión, Justicia y Política, etc.).

A exposición está formada por:

1. 50 portadas de prensa orixinais montadas en marcos de 40x50 cm (marcos de aluminio + traseira de cartón pluma+metacrilato).
   
2. 15 paneis de cartón-pluma de 35x35 cm enmarcados en aluminio con documentos relacionados coa prensa clandestina.
   
3. Obxectos para expoñer en vitrinas: unha “vietnamita”, unha multicopista, unha carteira de dobre fondo, publicacións legais antifranquistas, etc.